Baş mühasib

Mühasibat və vergi xidmətləri göstərən komandamıza istehsalat uçotu üzrə təcrübəli Baş mühasib axtarırıq.

Əsas vəzifələr:

• Mühasibat uçotunun qurulması, əvvəlki dövrlər üzrə sənədlərin təhlili və uçotun bərpasının təşkili;
• ERP sisteminin tətbiqində iştirak, ilkin qalıqların müəyyənləşdirilməsi və sistemə daxil edilməsinə nəzarət;
• Xammal, material, hazır məhsul və anbar uçotunun təşkili;
• İstehsal xərclərinin uçotu və məhsulun maya dəyərinin hesablanması;
• Bank, kassa, alış-satış, debitor və kreditor əməliyyatlarının uçotuna nəzarət;
• Əməkhaqqı hesablamalarının və vergi, statistika, digər məcburi hesabatların düzgün hazırlanmasının və təqdim edilməsinin təmin edilməsi;
• Ayın bağlanması, maliyyə hesabatlarının və rəhbərlik üçün aylıq məlumatların hazırlanması;
• İnventarizasiyanın təşkili və uçot məlumatları ilə faktiki qalıqların üzləşdirilməsi;
• Mühasib və mühasib köməkçisinin işinin bölüşdürülməsi və yoxlanılması;
• Vergi məsələləri üzrə məsləhətçi ilə koordinasiya və tələb olunan sənədlərin hazırlanması.

Namizədə tələblər:

• Mühasibatlıq, maliyyə və ya iqtisadiyyat üzrə ali təhsil;
• Mühasibatlıq sahəsində ən azı 5 il, baş və ya aparıcı mühasib kimi ən azı 2 il iş təcrübəsi;
• İstehsalat uçotu və maya dəyərinin hesablanması üzrə praktiki təcrübə;
• Mühasibat və vergi qanunvericiliyini yaxşı bilmək;
• 1C və ya digər ERP proqramlarında işləmək, Excel-dən sərbəst istifadə etmək;
• Uçotun sıfırdan qurulması və ya bərpası üzrə təcrübə;
• Komandanı idarə etmək, işi planlaşdırmaq və hesabat müddətlərinə riayət etmək bacarığı.

Sement və ya digər tikinti materiallarının istehsalı sahəsində təcrübə, həmçinin Peşəkar Mühasib Sertifikatı üstünlükdür.

İş şəraiti:

• Aylıq əməkhaqqı: 2300-2500 Azn (gross), iş həcmindən asılı olaraq bonuslar nəzərdə tutulur
• Tam iş günü;
• Mühasib və mühasib köməkçisindən ibarət komanda ilə iş;

İş yeri: “Acon Tax and Accounting” MMC, Bakı şəhəri, 8 noyabr prospekti, Azure Business Center

İş qrafiki: həftənin 5 günü, saat: 09:00 - 17:30

Maraqlanan namizədlər CV-lərini mövzu hissəsində “Baş mühasib” qeyd etməklə Müraciət et düyməsində qeyd olunan elektron poçt ünvanına göndərə bilərlər.