ƏL/TMM üzrə ekspert

Vakansiyanın tələbləri: 

• Ali təhsili (İqtisadiyyat, Maliyyə, Hüquq) olan;
• Analitik düşüncə tərzi və problem həll etmə bacarığı olan;
• Müvafiq sahədə ən azı 3-4 il iş təcrübəsi olan;
• Microsoft Office bilikləri olan;
• İngilis dili biliyi olan; 
• ƏL/TMM sahəsini tənzimləyən yerli qanunvericilik bazası və beynəlxalq standartlar üzrə bilikləri olan;
• IT yönümlü (SQL proqramlaşdırma dili) biliklərin olması üstünlükdür;
• CAMS və s. beynəlxalq sertifikatların olması üstünlükdür.

Vəzifə öhdəlikləri: 

• ƏL/TMM qanunvericiliyinin tələblərinə uyğun olaraq müştəri uyğunluğu tədbirlərinin həyata keçirilməsini təmin etmək;  
• Qeyri-adi və şübhəli əməliyyatların aşkar edilməsi, təhlili və araşdırılmasını həyata keçirmək; 
• Yüksək riskli müştərilər və əməliyyatlar üzrə davamlı monitorinqlərin aparılmasını təmin etmək; 
• Müştəri bazasının sanksiya siyahıları ilə uyğunluğunun yoxlanılması və aşkar edilmiş uyğunluqların təhlilini həyata keçirmək; 
• Maliyyə Monitorinqi Orqanına təqdim edilməli hesabatların hazırlanması, avtomatlaşdırılması və müəyyən edilmiş qaydada təqdim olunmasını təmin etmək; 
• Sahəvi və institusional ƏL/TMM risk qiymətləndirilməsini həyata keçirmək və nəticələrinə uyğun tədbirlər görmək;
• Müştərilərin müəyyən edilmiş ƏL/TMM risk meyarları əsasında risk dərəcələrinin müəyyən edilməsini və müvafiq risk qruplarına təsnifləşdirilməsini təmin etmək;
• Fəaliyyət istiqaməti üzrə digər struktur bölmələrlə məlumat və sənəd mübadiləsini həyata keçirmək, daxil olan sorğuları araşdırmaq və müvafiq rəylər vermək; 
• ƏL/TMM sahəsi üzrə daxili qayda və prosedurların hazırlanmasında, təkmilləşdirilməsində və onlara dəyişikliklərin edilməsində iştirak etmək.

İş qrafiki: Həftəiçi 5 gün saat 09:00-dan 18:00-dək. 

Müraciət etmək üçün, CV-nizi Müraciət et düyməsində qeyd olunan elektron poçt adresinə vakansiyanın adını qeyd etməklə göndərməyinizi xahiş edirik. 

Müraciətlər vakansiyanın tələblərinə əsasən dəyərləndiriləcək və yalnız seçilmiş namizədlərlə əlaqə saxlanılacaqdır.