Korporativ hüquq şöbəsinin təcrübəçisi

Hüquq, müştəri əməliyyatları və sığorta hadisələri departamenti, Korporativ hüquq şöbəsi

Vəzifə Öhdəlikləri:

• Satınalma ilə bağlı xırda məbləğli alış sənədlərinin, qiymət razılaşdırılması protokollarının və əlavələrin ilkin analizi;
• Kənar strukturlardan daxil olan məktubların ilkin analizi;
• Korporativ hüquq tərəfindən göndərilməli olan məktubların ilkin draftlarının hazırlanması;
• Vəkil sorğularının cavablandırılmasına dəstək;
• Mərkəzi Bankdan daxil olan lisenziyası ləğv və bərpa edilən sığorta vasitəçiləri ilə bağlı məktublar üzrə sığorta vasitəçiləri reyestrinin yoxlanılması, uyğunluğun olub-olmamasına baxılması və cavablandırmaya dəstək;
• Sığorta vasitəçilərinin reyestrinin yenilənməsi və imzalanmış sənədlərin aidiyyəti strukturlara göndərilməsi;
• Yerli və beynəlxalq qanunvericilik, tənzimləyici yanaşmalar və qabaqcıl təcrübələrin araşdırılmasına dəstək;
• İmza səlahiyyətləri və elektron təsdiq vasitələri ilə bağlı daxil olan sorğuların izlənilməsi və ehtiyacın yaranması səbəbinin ilkin araşdırılması;
• Elektron məhkəmə sisteminin yoxlanılması, məhkəmə işləri reyestrinin yenilənməsi və iclasların kalendara salınması;
• Etibarnamələr üzrə ilkin baxışın aparılması;
• Sığorta fəaliyyətinə təsir edə biləcək, habelə hüquqi tənzimləməyə əhəmiyyətli təsir edən Ali Məhkəmə və Konstitusiya Məhkəməsinin qərarlarının izlənilməsi, ilkin analizi və məlumat verilməsi.

Namizədə olan tələblər:

• İş təcrübəsi: Sahə üzrə təcrübə tələb olunmur.
• Təhsili: İstənilən sahə üzrə bakalavr dərəcəsi tələb olunur.
• Dil bilikləri: Azərbaycan dili:əla
• Kompüter bilikləri: MS Office:yaxşı səviyyə.

Üstünlüklər:

• Hüquq ixtisası üzrə ali təhsil;
• Korporativ mühitdə iş təcrübəsinə sahib olmaq;
• İngilis və rus dillərini yaxşı səviyyədə bilmək.

Maraqlanan namizədlər Müraciət et düyməsində qeyd olunan linkə daxil olaraq müraciət edə bilərlər.

Yalnız ilkin seçim tələblərinə cavab verən namizədlərlə əlaqə saxlanılacaqdır.