Satış Təmsilçisi

“KATAN Textile” komandası məhsullarımızın satışının inkişafında və müştəri portfelinin genişləndirilməsində aktiv rol oynayacaq Satış Təmsilçisi axtarılır.

Əsas vəzifə öhdəlikləri

• Təhkim olunmuş satış ərazisi üzrə mövcud müştərilərlə davamlı əlaqələrin qurulması və yeni müştərilərin cəlb edilməsi;
• Təsdiq edilmiş marşrut və ziyarət planına uyğun olaraq müştərilərə mütəmadi səfərlərin həyata keçirilməsi, görüş və sifarişlərin sistemli şəkildə qeydiyyata alınması;
• KATAN Textile məhsullarının çeşidi, xüsusiyyətləri və satış şərtləri barədə müştərilərə ətraflı məlumat verilməsi və sifarişlərin formalaşdırılması;
• Təsdiq edilmiş satış planı və fərdi hədəflər üzrə gündəlik fəaliyyətin planlaşdırılması və nəticələrin rəhbərliyə təqdim edilməsi;
• Satış nöqtələrində məhsulların mövcudluğu, düzgün nümayişi və qiymət məlumatlarının monitorinqi;
• Müştəri sifarişlərinin, çatdırılma tələblərinin və iradların aidiyyəti struktur bölmələrə vaxtında ötürülməsi və icra vəziyyətinin izlənilməsi;
• Müştərilər üzrə debitor borclarının izlənilməsi və ödənişlərin vaxtında həyata keçirilməsi üçün müvafiq kommunikasiya;
• Bazar, rəqiblər, qiymətlər və müştəri tələbatı barədə məlumatların toplanılması, yeni satış imkanları üzrə təkliflərin hazırlanması;
• Gündəlik ziyarət, yeni müştəri, sifariş və satış nəticələri üzrə hesabatların hazırlanması.

Vəzifəyə dair tələblər

• Orta ixtisas və ya ali təhsil;
• Satış sahəsində iş təcrübəsi üstünlükdür;
• B kateqoriyalı qüvvədə olan sürücülük vəsiqəsi və şəxsi avtomobilin olması vacibdir;
• Şəxsi avtomobildən gündəlik işgüzar səfərlərdə istifadə etmək imkanı;
• Sahə satışları, müştəri münasibətlərinin idarə edilməsi və danışıqların aparılması üzrə bacarıqlar;
• Satış marşrutlarının planlaşdırılması, mobil tətbiqlər və sadə hesabat sistemlərindən istifadə bacarığı;
• MS Office və rəqəmsal satış alətləri ilə işləmək bacarığı üstünlükdür.
• Şəxsi keyfiyyətlər
• Güclü kommunikasiya bacarığı;
• Müştəriyönümlülük;
• Nəticəyönümlülük və satış hədəflərinə fokuslanma;
• Məsuliyyətlilik və intizam;
• Təşəbbüskarlıq və çeviklik;
• Komandada işləmək bacarığı.

İş şəraiti

• İş yeri: Təhkim olunmuş satış ərazisi və şirkət tərəfindən müəyyən edilən iş məkanları rut üzrə satışı icrasını təmin etmək.
• Əmək haqqı: 700 Azn 

KATAN Textile komandasında yer almaq və satış sahəsində peşəkar inkişaf imkanlarından yararlanmaq istəyirsinizsə, CV-nizi Müraciət et düyməsində qeyd olunan elektron poçt ünvanına mövzu hissəsində “Satış Təmsilçisi” qeyd etməklə müraciət edə bilərsiniz