Biznesin inkişafı üzrə mütəxəssis (Əczaçılıq)

Vəzifə Öhdəlikləri:

• Xarici əczaçılıq şirkətləri, istehsalçılar və distribütorlar üzrə potensial tərəfdaşları müəyyənləşdirmək və yeni biznes əlaqələri qurmaq;
• Yeni ölkələr və potensial müştəri qrupları üzrə biznes imkanlarını araşdırmaq, uyğun tərəfdaşları müəyyən etmək və əlaqələrin inkişafını davamlı izləmək;
• Potensial müştərilərlə ilk təmasdan etibarən yazışma, onlayn görüş və təqdimatları idarə etmək, ehtiyaclarını düzgün müəyyənləşdirmək;
• Müştərinin ehtiyacına uyğun xidmət çərçivəsini Qeydiyyat və Farmakonəzarət komandaları ilə dəqiqləşdirmək, kommersiya təklifi və qiymət hesablamalarını hazırlamaq;
• Xarici tərəfdaşlarla qiymət, xidmət həcmi, müddətlər və digər kommersiya şərtləri üzrə danışıqlar aparmaq;
• Müqavilələrin hazırlanması və razılaşdırılması prosesində iştirak etmək, razılaşdırılmış şərtlərin icrasını kommersiya tərəfdən izləmək;
• Yeni layihənin daxili komandalara düzgün ötürülməsini təmin etmək və layihə boyunca müştəri ilə kommersiya kommunikasiyasını saxlamaq;
• Mövcud tərəfdaşlarla əməkdaşlığı inkişaf etdirmək, əlavə ölkə, məhsul və xidmət imkanlarını müəyyən etmək;
• Müştəri bazasını, danışıqların və layihələrin statusunu aktual saxlamaq, rəhbərliyə qısa və aydın status məlumatları təqdim etmək;
• Beynəlxalq sərgi, konfrans və B2B görüşlərində şirkəti təmsil etmək; zərurət olduqda xarici ezamiyyətlərdə iştirak etmək;
• Zərurət yarandıqda kommersiya sifarişləri və logistika ilə bağlı tərəfdaşlarla koordinasiyada iştirak etmək.

Tələb Olunan Bilik və Bacarıqlar:

• Ali təhsil – əczaçılıq, tibb, kimya, biologiya və ya digər əlaqəli sahələr üzrə;
• Biznesin inkişafı, əczaçılıq və ya əlaqəli sahədə ən azı 1 il iş təcrübəsi;
• Xarici şirkətlərlə və beynəlxalq biznes mühitində iş təcrübəsi üstünlükdür;
• İngilis dilində sərbəst işgüzar yazışma və danışıqlar aparmaq bacarığı; rus dili üstünlükdür;
• Güclü kommunikasiya, təqdimat və danışıqlar aparma bacarığı;
• Kommersiya təklifləri və qiymət hesablamaları hazırlamaq bacarığı;
• Məlumatları analiz etmək, prioritetləri müəyyənləşdirmək və bir neçə layihəni paralel izləmək bacarığı;
• MS Office proqramlarında, xüsusilə Excel proqramında sərbəst işləmək bacarığı;
• Xarici ezamiyyətlərdə iştirak etmək imkanının olması;
• Nəticəyönümlü, təşəbbüskar və məsuliyyətli iş yanaşması.

Təklif Edilir:

• Beynəlxalq əczaçılıq şirkətləri ilə birbaşa əməkdaşlıq və müxtəlif bazarlar üzrə praktiki təcrübə qazanmaq imkanı;
• Peşəkar inkişafı dəstəkləyən iş mühiti, beynəlxalq sərgi, konfrans və biznes görüşlərində iştirak imkanı;
• Nəticələrə əsaslanan şəffaf KPI və bonus sistemi;
• Fərdi inkişaf planı çərçivəsində təlim və peşəkar inkişaf imkanları;
• İş qrafiki: həftədə 5 iş günü. İş saatları: 09:00–18:00; alternativ olaraq 08:00–17:00 və ya 08:30–17:30;
• Əmək haqqı namizədin təcrübə və kompetensiyalarına uyğun olaraq müsahibə əsasında müəyyən edilir.

Maraqlanan namizədlər Müraciət et düyməsində qeyd olunan formu dolduraraq müraciət edə bilərlər.