Laboratoriya müdiri

Keyfiyyətə nəzarəti sistemə, elmi yanaşmanı isə biznes nəticəsinə çevirən lider axtarırıq.

İş şəraiti

• İş yeri - Sumqayıt 
• İş rejimi - Tam iş günü 
• Hesabatlıq - Rəhbərlik

ALCO MMC laboratoriya fəaliyyətini yalnız idarə edəcək deyil, onu daha güclü, çevik və nəticəyönümlü sistemə çevirəcək təcrübəli rəhbər axtarır. Bu rol keyfiyyətə nəzarət, Ar-Ge, məhsul formulyasiyası və istehsalatla texniki əməkdaşlığın kəsişməsində dayanır. Axtardığımız namizəd analitik dəqiqliyi liderlik bacarığı ilə birləşdirən, mürəkkəb texniki məsələləri praktik həllərə çevirən və komandasının peşəkar inkişafına istiqamət verən şəxsdir. Bu rolda uğur nə deməkdir? Etibarlı analiz nəticələri, sabit məhsul keyfiyyəti, daha sürətli problem həlli və laboratoriyadan istehsalata uğurla keçən yeni məhsullar.

Rolun əsas missiyası

• Laboratoriyanın gündəlik fəaliyyətini, komandanın iş bölgüsünü və prioritetlərini istehsal planına uyğun idarə etmək;
• Analiz və sınaqların təsdiq edilmiş metodlara uyğun aparılmasını, nəticələrin düzgünlüyünü və izlənəbilənliyini təmin etmək;
• Xammaldan hazır məhsula qədər keyfiyyətə nəzarət sisteminə rəhbərlik etmək və yalnız tələblərə cavab verən məhsulun buraxılışını təsdiqləmək;
• Standartdan kənar nəticələrin kök səbəbini müəyyən etmək, düzəldici və qabaqlayıcı tədbirlərin icrasını yönləndirmək;
• Laboratoriya komandasının peşəkar inkişafını, praktiki təlimini və təhlükəsiz iş mədəniyyətini gücləndirmək.

Ar-Ge və məhsul inkişafı

• Bazarın və müştərilərin texniki tələblərinə uyğun yeni məhsulların hazırlanmasına rəhbərlik etmək;
• Formulaların və resepturaların hazırlanması, laboratoriya nümunələrinin sınağı və nəticələrin qiymətləndirilməsində birbaşa iştirak etmək;
• Uğurlu nümunələrin sənaye miqyasına keçirilməsini planlaşdırmaq və laboratoriyadan istehsalata keçid prosesini izləmək;
• Mövcud məhsulların keyfiyyət və texniki göstəricilərini yaxşılaşdırmaq, resepturaları optimallaşdırmaq;
• Yeni və alternativ xammal mənbələrini texniki baxımdan qiymətləndirmək, dəyişikliklərin hazır məhsula təsirini müəyyən etmək;
• Ar-Ge layihələri üzrə sınaqları, qərarları və nəticələri sistemli şəkildə sənədləşdirmək. İstehsalatla tərəfdaşlıq
• İstehsalat şöbəsi ilə gündəlik koordinasiyanı təmin etmək və məhsulların resepturaya, eləcə də texnoloji parametrlərə uyğunluğunu izləmək;
• Keyfiyyət problemlərini operativ araşdırmaq; səbəbin xammal, formulasiya və ya proseslə bağlı olduğunu faktlara əsasən müəyyənləşdirmək;
• İstehsalat komandasına tətbiq oluna bilən texniki tövsiyələr vermək və təkrarlanan uyğunsuzluqların qarşısını alan həllər hazırlamaq.

Sistem, avadanlıq və standartlar

• Cihaz və avadanlıqların düzgün istismarına, kalibrlənməsinə, yoxlanılmasına və texniki xidmətqrafiklərinə nəzarət etmək;
•  Yeni analiz metodlarını və laboratoriya cihazlarını araşdırmaq, texniki uyğunluğunu qiymətləndirmək və tətbiqini təşkil etmək;
• Reagent, kimyəvi maddə və digər materiallara olan ehtiyacı planlaşdırmaq və fasiləsiz təminatı izləmək;
• ASTM, ISO, EN, DIN, GOST və tətbiq olunan digər standartların tələblərini iş prosesinə inteqrasiya etmək;
• Protokolların, texniki spesifikasiyaların, prosedurların və Ar-Ge məlumatlarının düzgün hazırlanmasını və arxivləşdirilməsini təmin etmək;
• Daxili və xarici auditlərdə laboratoriyanı peşəkar şəkildə təmsil etmək.

Sizi bu rolda fərqləndirəcək təcrübə

• Kimya, kimya mühəndisliyi, neft-kimya və ya uyğun texniki sahə üzrə ali təhsil;
• Laboratoriya, Ar-Ge, keyfiyyətə nəzarət və ya istehsalat mühitində minimum 5 il iş təcrübəsi;
• istehsalat laboratoriyası təcrübəsi üstünlükdür;
• Laboratoriya fəaliyyətinin və komandanın idarə olunması üzrə real praktiki təcrübə;
• Məhsul formulyasiyası, reseptura hazırlanması, kimyəvi və fiziki analiz metodları üzrə güclü bilik;
• Laboratoriya cihazları, texniki sənədlər, spesifikasiyalar və analiz nəticələri ilə sərbəst işləmək bacarığı;
• İngilis və rus dillərini sərbəst bilmək, hər iki dildə texniki sənədlərlə işləmək və peşəkar yazışma aparmaq bacarığı — mütləqdir;
• MS Office proqramlarında sərbəst işləmək bacarığı.

Liderlik yanaşmanız

• Siz problemi sadəcə qeyd etmirsiniz — səbəbini tapır, qərar verir və nəticəyə qədər izləyirsiniz. Sistemli işləyir, detalları görür, eyni zamanda böyük mənzərəni itirmirsiniz. Komandanız üçün aydın standartlar yaradır, müxtəlif şöbələrlə konstruktiv əməkdaşlıq edir və texniki yenilikləri praktik üstünlüyə çevirirsiniz.

Növbəti mərhələyə hazırsınız?

Tələblərə uyğun namizədlər CV-lərini e-poçtun mövzu hissəsində “Laboratoriya müdiri” qeyd etməklə Müraciət et düyməsində qeyd olunan elektron poçt ünvanına göndərə bilərlər.