Mədən Mühəndisi (Ağdərə)

Vəzifə öhdəlikləri

• Açıq mədən işlərinin gündəlik istehsalat proseslərini planlaşdırmaq, təşkil etmək və təsdiq edilmiş istehsalat planlarına uyğun icrasına nəzarət etmək;
• Yükləmə, daşıma, filiz hasilatı və tullantı süxurlarının yerləşdirilməsi proseslərini koordinasiya etmək və onların səmərəli icrasını təmin etmək;
• Gündəlik, həftəlik, aylıq və illik istehsalat planlarının hazırlanmasında iştirak etmək, planların icrasını izləmək və plan-fakt təhlilləri aparmaq;
• Mədən layihələrinin, qazma-partlayış layihələrinin, istehsalat planlarının və digər texniki sənədlərin hazırlanmasında iştirak etmək, onların istehsalatda düzgün tətbiqinə nəzarət etmək;
• Mədən yollarının, iş meydançalarının, bermaların, rampaların, yamacların, drenaj sistemlərinin və digər istehsalat sahələrinin layihə parametrlərinə uyğun vəziyyətdə saxlanılmasına nəzarət etmək;
• Surpac, Micromine, AutoCAD və digər mədən proqramlarından istifadə etməklə mədən planlarını hazırlamaq, yeniləmək və istehsalat məlumatlarını təhlil etmək;
• İstehsalat göstəricilərini, texnika məhsuldarlığını və əməliyyat məlumatlarını təhlil etmək, texniki hesabatlar hazırlamaq və rəhbərliyə təqdim etmək;
• Qazma-partlayış işlərinin layihəyə uyğun icrasına nəzarət etmək, nəticələri qiymətləndirmək və proseslərin təkmilləşdirilməsi üzrə təkliflər vermək;
• İstehsalat proseslərində yaranan texniki problemləri təhlil etmək, onların aradan qaldırılması və istehsalatın səmərəliliyinin artırılması üzrə tədbirlər hazırlamaq;
• Kiçik Mədən Mühəndislərinin fəaliyyətini əlaqələndirmək, onlara metodiki və texniki dəstək göstərmək;
• Geologiya, Topoqrafiya, Geotexnika, Emal, Texniki Xidmət və digər aidiyyəti şöbələrlə əməkdaşlıq edərək grade control proseslərini, filizin selektiv hasilatını, mədən ölçmələrini və geotexniki tövsiyələrin icrasını koordinasiya etmək;

Tələblər

• Mədən Mühəndisliyi üzrə ali təhsil;
• İş təcrübəsi arzuolunandır (mədən sənayesində təcrübə üstünlük hesab olunur);
• Açıq mədən işlərinin planlaşdırılması və təşkili üzrə biliklər;
• Qazma-partlayış, yükləmə, daşıma, filiz hasilatı və tullantı süxurlarının yerləşdirilməsi prosesləri üzrə biliklər;
• Mədən planlarını, layihələrini, texniki çertyojları və istehsalat sxemlərini hazırlamaq və oxumaq bacarığı;
• İstehsalat planlarının hazırlanması, plan-fakt təhlili və istehsalat göstəricilərinin qiymətləndirilməsi bacarığı;
• Surpac, Micromine, AutoCAD və digər mədən proqram təminatları üzrə biliklər;
• Mədən texnikalarının iş prinsipləri və məhsuldarlığının qiymətləndirilməsi üzrə biliklər;
• İngilis və rus dili bilikləri üstünlük hesab olunur.
• Məcburi köçkün namizədlərə üstünlük veriləcəkdir.

İş yeri və şəraiti

• İş yeri: Ağdərə (Dəmirli)
• İş qrafiki: Növbəli rejim
• Ağdərə (Dəmirli) iş sahəsi üzrə yaşayış və qidalanma təminatı; 
• Tibbi sığorta;
• Rəqabətqabiliyyətli əməkhaqqı

Qeyd olunan tələblərə uyğun olan namizədlərdən CV-lərini mövzu hissəsində "Mədən Mühəndisi" qeyd etməklə Müraciət et düyməsində qeyd olunan elektron poçt ünvanına göndərmələri xahiş olunur.