Su təchizatı və su təmizləmə sistemləri üzrə mütəxəssis

TAİS-İKF MMC komandamıza məsuliyyətli və təcrübəli “Su təchizatı və su təmizləmə sistemləri üzrə mütəxəssis” axtarırıq.

Vəzifə öhdəlikləri:

• Müştəri obyektlərinə baxış keçirmək və mövcud su təchizatı sistemini qiymətləndirmək
• Suyun istifadə məqsədini, sərfiyyatını, təzyiqini və obyektin texniki şərtlərini müəyyən etmək
• Su analizinin nəticələrinə və obyektin ehtiyaclarına əsasən uyğun BWT həllərinin seçilməsində iştirak etmək
• Filtrasiya, su yumşaltma və digər su təmizləmə sistemləri üzrə texniki hesablamalar aparmaq
• Avadanlığın məhsuldarlığını, gücünü və tələb olunan konfiqurasiyanı müəyyən etmək
• Su təchizatı və avadanlığın qoşulması üzrə texniki sxem və spesifikasiyalar hazırlamaq
• Kommersiya təkliflərinin texniki hissəsinin hazırlanmasında satış komandasına dəstək göstərmək
• Layihə, satış, təchizat və servis komandaları ilə koordinasiyalı işləmək
• Quraşdırma işlərinin hazırlanmış texniki həllə uyğun həyata keçirilməsinə nəzarət etmək

Namizədə tələblər:

• Su təchizatı, mühəndis kommunikasiya sistemləri və ya müvafiq mühəndislik istiqaməti üzrə ali təhsil
• Su təchizatı sistemlərinin layihələndirilməsi və texniki hesablanması üzrə biliklər
• Su sərfiyyatı, təzyiq, boru xətləri, filtrasiya və su təmizləmə prinsipləri haqqında biliklər
• Texniki sxem, layihə və avadanlıq spesifikasiyaları ilə işləmək bacarığı
• AutoCAD proqramında işləmək bacarığı
• MS Excel və texniki hesablama proqramlarında işləmə bacarığı
• Analitik düşüncə, texniki məsələlərin təhlili və həlli, həmçinin əlaqəli şöbələrlə koordinasiyalı işləmək bacarığı
• İngilis və ya rus dili biliyi üstünlük hesab olunur

İş şəraiti:

• İş qrafiki: 5 günlük iş rejimi
• Əmək haqqı: Müsahibə əsasında müəyyən edilir
• İş yeri: TAİS-İKF MMC

Maraqlanan namizədlər CV-lərini mövzu hissəsində “Su təchizatı və su təmizləmə sistemləri üzrə mütəxəssis” qeyd etməklə Müraciət et düyməsində qeyd olunan elektron poçt ünvanına göndərə bilərlər.