İcraçı Direktorun müavininin köməkçisi

Komandamıza məsuliyyətli, çevik, yüksək təşkilatçılıq və kommunikasiya bacarıqlarına malik İcraçı Direktorun müavininin köməkçisi axtarırıq.
Bu vəzifə üzrə əməkdaş İcraçı Direktorun müavininin gündəlik fəaliyyətinin effektiv təşkilinə dəstək göstərəcək, görüşlərin, yazışmaların və sənəd dövriyyəsinin koordinasiyasını həyata keçirəcək, struktur bölmələri arasında operativ kommunikasiyanın təmin olunmasında iştirak edəcək və verilən tapşırıqların icrasını izləyəcək.

Əsas vəzifə öhdəlikləri

• Rəhbərin gündəlik iş qrafikinin planlaşdırılması və idarə edilməsi;
• Görüşlərin, iclasların və digər işgüzar tədbirlərin təşkili və koordinasiyası;
• Daxil olan məktubların, sənədlərin və elektron yazışmaların qəbulu, sistemləşdirilməsi və aidiyyəti üzrə yönləndirilməsi;
• Rəsmi məktubların, hesabatların, təqdimatların və digər işgüzar sənədlərin hazırlanmasına dəstək göstərilməsi;
• Şirkətin müxtəlif struktur bölmələri ilə operativ kommunikasiyanın və koordinasiyanın təmin edilməsi;
• Rəhbərlik tərəfindən verilən tapşırıqların aidiyyəti şəxslərə çatdırılması və icra vəziyyətinin izlənilməsi;
• Görüş və müzakirələr üzrə zəruri qeydlərin aparılması və növbəti addımların izlənilməsi;
• Sənədlərin və məlumatların düzgün şəkildə arxivləşdirilməsi və sistemləşdirilməsi;
• Məxfi və xidməti məlumatların konfidensiallığının qorunması;
• Rəhbərlik tərəfindən verilən digər inzibati və təşkilati tapşırıqların vaxtında və keyfiyyətlə yerinə yetirilməsi.

Namizədə tələblər

• Ali təhsil (mütləqdir);
• MS Office proqramlarında (Word, Excel, PowerPoint, Outlook) sərbəst işləmək bacarığı;
• Azərbaycan dilində mükəmməl yazılı və şifahi ünsiyyət bacarığı;
• İngilis və/və ya rus dili biliyi üstünlükdür;
• Yüksək təşkilatçılıq və koordinasiya bacarığı;
• İşgüzar yazışma və sənədlərlə işləmək bacarığı;
• Məsuliyyətlilik, operativlik və təşəbbüskarlıq;
• Məxfi məlumatlarla işləyərkən yüksək etik davranış və etibarlılıq.

Maraqlanan namizədlər öz CV-lərini Müraciət et düyməsində qeyd olunan elektron poçt ünvanına göndərə bilərlər.